އަންނަ މަހުގެ ހަތަރެއްގައި ބާއްވާ ލޯކަލް ކައުންސިލް އިންތިޚާބަށް ކެމްޕޭން ކުރުމުގެ ގޮތުން އިދިކޮޅު އެމްޑީޕީން ހުޅުމާލޭގައި ހަރުކޮށްފައިވާ ޕޯސްޓަރުތަކެއް، އެ ސިޓީ ބަލަހައްޓާ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ނަގައިފިއެވެ.

ސޯޝަލް މީޑިއާގައި އެމްޑީޕީގެ ބައެއް ކެންޑިޑޭޓުން ވަނީ އެ ޕާޓީގެ ޕޯސްޓަރުތައް އެޗްޑީސީން ނަގަމުން އަންނަ ކަމަށް ބުނެފައެވެ.

އެމްޑީޕީން ހުޅުމާލޭ އުތުރު ދާއިރާއަށް ވާދަކުރާ ފާތިމަތު ޒަހިއްޔާ (ޒާޔާ) ވަނީ، ހުޅުމާލޭގައި ހަރުކޮށްފައި ހުރި އޭނާގެ ޕޯސްޓަރެއް އެޗްޑީސީން ނަގައިފައިވާ ކަމަށާއި އޭގެ ބަދަލުގައި، ވެރިކަން ކުރާ ޕީއެންސީގެ ކެންޑިޑޭޓެއްގެ ޕޯސްޓަރު އެ ތަނުގައި ހަރުކޮށްފައިވާ ކަމަށް ބުނެފައެވެ.

މައުޟޫޢުތަށް