އައްޑޫން އަނެއްކާ ވެސް ކަރަންޓު ކެނޑިއްޖެ
ސަން
16 މާރިޗު 2026 | ހޯމަ | 11:36
އައްޑޫ ސިޓީން އަނެއްކާ ވެސް މިރޭ ކަރަންޓު ކެނޑިއްޖެއެވެ.
'ސަން'އަށް މައުލޫމާތު ދެމުން އައްޑޫ ސިޓީ ކައުންސިލްގެ ހިތަދޫ މާމެންދޫ ދާއިރާގެ ކައުންސިލް މެންބަރު އަދާލާ ރަޝީދު ވިދާޅުވީ، އައްޑޫގެ ގުޅިފައިވާ ހުރިހާ ރައްތަކުން ކަރަންޓު ކެނޑުނީ ގާތްގަނޑަކަށް 11 ޖަހަން އުޅެނިކޮށް ކަމަށެވެ.
އޭގެ އިރުކޮޅެއް ފަހުން ފެނަކަ ގުރޫޕުގައި ކަރަންޓު ކެނޑުނީ ދިމާވި ޓެކްނިކަލް މައްސަލައަކާ ގުޅިގެން ކަމަށް ބުނެފައިވާ ކަމަށާއި ނަމަވެސް ކަރަންޓު ލިބޭނެ ވަކި ސީދާ ގަޑިއެއް ޖަހާފައި ނުވާކަން އަދާލާ ފާހަގަކުރިއެވެ.