ޚަބަރެއް ނުވެގެން ހޯދަމުން ދަނިކޮށް، ނ. މަނާދޫގައި އަނިޔާވެރިގޮތަކަށް މަރާލާފައި އޮއްވައި އޭޕްރިލް 7، 2023ގައި ފެނުނު ނައީމާ މޫސާގެ މަރުގެ މައްސަލައިގައި ދައުވާ ކޮށްފައިވާ ހަސަން ފަވާޒްގެ ސިއްހީ ހާލަތު ހުރި ގޮތުން، އޭނާ ޝަރުތުތަކާއެކު ޖަލު ބަންދުން މިއަދު ދޫކޮށްލައިފިއެވެ.

ނައީމާ މޫސާ އޭނާ ދިރިއުޅެމުން ދިޔަ ގޭގައި މަރާލާފައި އޮއްވާ ފެނުނީ، އޭނާގެ ޚަބަރެއް ނުވެގެން ފުލުހުން ގޮސް އެ ގޭ ދޮރު ވައްޓާލައިގެން އެތެރެއަށް ވަދެ ބެލުމުންނެވެ. ނައީމާ ފެނުނުއިރު އޭނާގެ ހަށިގަނޑުގެ އެތަން މިތަނުގައި ވަޅިން ހަމަލާދިނުމުން ފުން ޒަޚަމްތަކެއް ފެންނަން ހުއްޓެވެ.

އެ މައްސަލައިގައި ފަވާޒުގެ މައްޗަށް، ނޮވެންބަރު 30، 2023ގައި ވަނީ، ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ކުށުގެ ދަޢުވާއާއި، ޢަދުލުއިންސާފު ގާއިމުކުރުމަށް ހުރަސްއެޅުމުގެ ކުށުގެ ދަޢުވާއާއި މައްޔިތާގެ ބޭނުން ނަހަމަ ގޮތުގައި ކުރުމުގެ ކުށުގެ ދަޢުވާކޮށްފައެވެ.

މައުޟޫޢުތަށް