ހަނިމާދޫން ހިރިމަރަދޫ މީހުންނަށް ގޯތި ދޭ މައްސަލަ ފުލުހަށް، "ޖިނާއީ ކުށެއް ނެތް"
ސަން
17 މާރިޗު 2026 | އަންގާރަ | 11:33
ހދ. ހަނިމާދޫން އެ އަތޮޅު ހިރިމަދޫ މީހުންނަށް ގޯތި ދޭން އުޅޭތީ ފުލުހުންނަށް ހުށަހެޅި މައްސަލައެއް ނުބަލަން އެ ޚިދުމަތުން މިއަދު ނިންމައިފިއެވެ.
ހަނިމާދޫ މީހުންނަށް ގޯތި ނުދީ، އެ ރަށަށް ހިރިމަރަދޫ މީހުން ގެންގޮސް ގޯތި ދިނުމާ މެދު އެ ރަށު މީހުން އަންނަނީ ދެކޮޅު ހަދަމުންނެވެ.
އެ ރަށު ކައުންސިލްގެ ނައިބު ރައީސް ފިރާގު މުހައްމަދު މިއަދު ފޭސްބުކްގައި ކުރި ޕޯސްޓެއްގައި ވިދާޅުވީ، ސަރުކާރުން ހިރިމަރަދޫ މީހުންނަށް ހަނިމާދޫން ގޯތި ދިނުމުގެ މަސައްކަތްކުރަނީ ކައުންސިލުން ހުއްދަ ނުނަގައި، ނުވެސް އަންގާ ކަމަށެވެ. އަދި، އެ މަސައްކަތުގެ ތެރެއިން ނަގާ ރުއްގަހާއި ބަންޑާރަ ރުއްގަހުގެ ބަދަލު ވެސް ދީފައިނުވާ ކަމަށް އޭނާ ބުންޏެވެ.