ގައުމީ އިނާމަށް ނަން ހުށަހަޅަން ބުދަ ދުވަހު ހުޅުވާލަނީ
ސަން
22 މާރިޗު 2026 | އާދިއްތަ | 11:34
މިއަހަރުގެ ގައުމީ އިނާމަށް ނަން ހުށަހެޅުމުގެ ފުރުސަތު އަންނަ ބުދަ ދުވަހުން ފެށިގެން ހުޅުވައިލާނެކަން، ރައީސް އޮފީހުން މިއަދު ހާމަކޮށްފިއެވެ.
ރައީސް އޮފީހުން ބުނީ، ގައުމީ އިނާމަށް ނަން ހުށަހެޅުމުގެ ފުރުސަތު ހުޅުވައިލާނީ ބުދަ ދުވަހުން ފެށިގެން އަންނަ އޭޕްރިލް މަހުގެ 30ވަނަ ދުވަހުގެ މެންދުރުފަހު 14:00 އާ ހަމައަށް ކަމަށެވެ.
މިއަހަރު ގައުމީ އިނާމަށް ނަން ހުށަހެޅުމަށް ހަމަޖެހިފައިވަނީ ހަމައެކަނި ރައީސް އޮފީހުގެ "ފޯމު ހުށަހެޅުން" ޕޯޓަލް މެދުވެރިކޮށް ކަމަށް، ރައީސް އޮފީހުން ބުންޏެވެ. އިނާމަށް އެދި ފޯމު ހުށަހަޅާއިރު ފޯމާ އެކު ހުށަހަޅަންޖެހޭ ލިޔެކިއުންތައް ފުރިހަމަކުރުމަށް ސަމާލުވުމަށް އެ އިދާރާއިން ވަނީ އެދިފައެވެ.