ބީއެމްއެލްގެ އަހަރީ އާންމު ޖަލްސާ ހޮނިހިރު ދުވަހު، ރަޖިސްޓްރީވާން ހުޅުވާލައިފި
ސަން
22 މާރިޗު 2026 | އާދިއްތަ | 12:33
އަންނަ ހޮނިހިރު ދުވަހު ގައުމީ ބޭންކު ބީއެމްއެލްގެ 43ވަނަ އަހަރީ އާންމު ޖަލްސާ އޮންނާނެކަން އެ ބޭންކުން މިއަދު ހާމަކޮށްފިއެވެ.
ބީއެމްއެލުން ބުނީ، މި ޖަލްސާ އޮންނާނީ ހޮނިހިރު ދުވަހުގެރޭ ނުވައެއް ޖަހާއިރު، ބާސެލޯ ނަސަންދުރާ ހޮޓެލްގެ މާލޭގެ ބޯލްރޫމްގައި ކަމަށެވެ.
މި ޖަލްސާ ކުރިއަށް ގެންދިޔުމަށް ހަމަޖެހިފައިވަނީ ހިއްސާދާރުންނާއި ޕްރޮކްސީ ހޯލްޑަރުން ޖަލްސާއަށް ހާޒިރުވެގެންނާއި، އޮންލައިންކޮށް މޯލްޑިވްސް ސެކިއުރިޓީޒް ޑިޕޮޒިޓަރީ (އެމްއެސްޑީ) ގެ މީޓިން މެނޭޖްމެންޓް ސިސްޓަމް "ފަހިވޯޓު" މެދުވެރިކޮށް ކަމަށް، ބީއެމްއެލުން ބުންޏެވެ.