ދިގުރަށުގެ އަލިފާނުގެ ހާދިސާއަށް ހަފުތާއެއް، ފިހުނު ދެ މީހުންނަށް އަދިވެސް އައިސީޔޫގައި ފަރުވާދެނީ
ސަން
22 މާރިޗު 2026 | އާދިއްތަ | 2:53
މި މާރިޗު މަހުގެ 12ވަނަ ދުވަހު އދ. ދިގުރަށުގައި ހިނގި އަލިފާނުގެ ހާދިސާގައި ފިހުނު ދެ މީހުންގެ ހާލަތަށް އެއްވެސް ބަދަލެއް ނާންނަ ކަމަށް، އައިޖީއެމްއެޗުން މިއަދު ބުނެފިއެވެ.
ދިގުރަށުގެ އެކޮމޮޑޭޝަން ބްލޮކެއްގައި ރޯވެ ހިނގި އަލިފާނުގެ ހާދިސާގައި ފަސް ބިދޭސިއަކު ވަނީ މަރުވެފައެވެ. އިތުރު ދެ މީހުން ފިހި، ދުމުގެ އަސަރު ކުރުމުން، އައިޖީއެމްއެޗުގައި ދެ މީހުންނަށްވެސް އަންނަނީ ފަރުވާދެމުންނެވެ. އެ މީހުންނަށް ފަރުވާދެމުން އަންނަތާ ހަފުތާއެއް ވަނީ ވެފައެވެ.
އައިޖީއެމްއެޗުން މިއަދު 'ސަން'އަށް ބުނީ، ދިގުރަށުން ގެނައި ދެ މީހުންގެ ހާލު އަދިވެސް ސީރިއަސް ކަމަށެވެ. އަދި ދެ މީހުންނަށް އަދިވެސް ފަރުވާ ދެމުން އަންނަނީ އައިސީޔޫގައި ވެންޓިލޭޓަރުގައި ބާއްވައިގެން ކަމަށެވެ. އެކަމަކު އެކަމާ ގުޅޭ އިތުރު ތަފްސީލެއް އައިޖީއެމްއެޗުން ނުދެއެވެ.