އިސްލާމީ އުންމަތް ބައިބައިވާ ފަދަ ގޮތަކަށް، ސުންނީ، ޝީޢީ ނުވަތަ ސަލަފީ ފަދަ ނަންނަމުން މުސްލިމުންނާ މުޚާތަބު ނުކުރުމަށް ރާއްޖޭގެ ކުރީގެ ރައީސުލްޖުމްހޫރިއްޔާ މައުމޫން ޢަބްދުލްޤައްޔޫމް ގޮވާލައްވައިފިއެވެ.

އެމަނިކުފާނު މިކަމަށް ގޮވާލައްވާފައިވަނީ، މެދުއިރުމަތީގެ ހަނގުރާމައާއި، ޚާއްސަކޮށް އިސްރާއީލާ ދެކޮޅަށް އީރާނުން އަދާކުރަމުންދާ ދައުރާ ގުޅޭގޮތުން ދިވެހިރާއްޖޭގެ ދީނީ ޢިލްމުވެރިންނާއި އާންމުންގެ މެދުގައި ސޯޝަލް މީޑިއާގައި ހޫނު ބަހުސެއް ފެށިފައިވާ ދަނޑިވަޅެއްގައެވެ.

ރައީސް މައުމޫން ވިދާޅުވި ގޮތުގައި، މުސްލިމުން އެކި ފިކުރުތަކަށް ބަހައި، ތަފާތުކުރުމަކީ އިސްލާމްދީނުގެ ދުޝްމަނުން މުސްލިމުން ބައިބައިކުރުމަށް ޓަކައި ޒަމާނުއްސުރެ ކުރަމުންދާ މަސައްކަތެކެވެ. އެހެންކަމުން، އެންމެންނަކީ ވެސް ހަމައެކަނި މުސްލިމުން ކަމުގައި ދެކި، އެއްބައިވަންތަކަން އިސްކުރުމަށް އެމަނިކުފާނު ވަނީ ދިވެހި ރައްޔިތުންނަށް އިލްތިމާސްކުރައްވާފައެވެ.

މައުޟޫޢުތަށް