އަންނަ އޭޕްރިލް މަހުން ފެށިގެން، ދައުލަތުގެ ބެލުމުގެ ދަށުގައި ތިބޭ ތުއްތު ކުދިން ފޯސްޓާކުރުމުން ވިހެއުމުން ލިބޭފަދަ ޚާއްސަ ޗުއްޓީއެއް ލިބޭނެ ކަމަށް ޖެންޑާ މިނިސްޓަރު ޑރ. އާއިޝަތު ޝިހާމް ވިދާޅުވެއްޖެއެވެ.

ފޮސްޓާ ކުރުމަކީ ދައުލަތުގެ ބެލުމުގެ ދަށުގައި ތިބޭ ކުދިން، ވަގުތީ ނުވަތަ ދާއިމީ ގޮތެއްގައި އާއިލާއަކުން ނަގައި، އެ ކުދިން ބަލައި ބޮޑުކުރުމެވެ. މިއީ އެހެން މައިންބަފައިންނަށް އުފަންވި ނަމަވެސް، ކޮންމެވެސް ސަބަބަކާ ހުރެ އާއިލާގެ އަޅާލުން ނުލިބިވާ ކުދިންނަށް އާއިލީ މާހައުލެއް ހޯދައި ދިނުމަށް ގާއިމުކޮށްފައިވާ ނިޒާމެކެވެ.

ރައީސް އޮފީހުން މިއަދު ބޭއްވި ނޫސްވެރީންގެ ބައްދަލުވުމުގައި މިނިސްޓަރު ވަނީ، ދައުލަތުގެ ބެލުމުގެ ދަށުގައި ތިބޭ ކުދީން އާއިލާތަކާ ހަވާލުކުރުމުގެ މަރުހަލާ ކުރިން އޮތް ގޮތުން ދިގުލައިގެންދާތީ، އެކަމަށް ޝައުގުވެރިވާ އާއިލާތަކުން އުނދަގޫތަކާ ކުރިމަތިލާކަން ފާހަގަކޮށްފައެވެ.

މައުޟޫޢުތަށް