އަންނަ މަހު ފަށާ ޓެކްސީ ލައިނަށް 107 ޑްރައިވަރުން ހޯދަނީ، މުސާރަ ހާމަނުކުރޭ
ސަން
25 މާރިޗު 2026 | ބުދަ | 8:50
އަންނަ އޭޕްރިލް މަހުގެ ކުރީކޮޅު ފަށާ ސަރުކާރު ޓެކްސީ ލައިނަށް 107 ޑްރައިވަރަކު ހޯދަން، އެ ޚިދުމަތްދޭ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން މިރޭ އިއުލާނުކޮށްފިއެވެ.
އެމްޓީސީސީގެ އިއުލާނުގައިވާ ގޮތުން، 107 ޑްރައިވަރުން ނަގަނީ ކޮންޓްރެކްޓް އުސޫލުން އެއް އަހަރަށް، މަސައްކަތުގެ ފެންވަރު ވަޒަންކުރުމަށްފަހު ކޮންޓްރެކްޓް އިތުރުކުރާ އުސޫލުންނެވެ.
އެ އިއުލާނާއެކު، އެމްޓީސީސީން ޑްރައިވަރުންނަށްދޭ މުސާރަ ހިމަނާފައިނުވެއެވެ. އެކަމަކު، ޑްރައިވަރުންނަށް މުސާރައާއި އިނާޔަތްތައް ދޭނީ ކަނޑައަޅާފައިވާ އުސޫލުތަކާ އެއްގޮތަށް ކަމަށް، އިއުލާނުގައިވެއެވެ.