ލޯންޗަކާއި ޓަގް ބޯޓެއް ޖެހި ހިނގި އެކްސިޑެންޓްގައި ކައްޕިއަށް އަނިޔާވެއްޖެ
ދަޕްރެސް
31 މޭ 2025 | ހޮނިހިރު | 8:27
މާލެއިން އދ. އަތޮޅަށް ދަތުރުކުރުމަށް ފުރި 'މައި އެކްސްޕްރެސް 2' ކިޔާ ލޯންޗަކާއި ޓަގް ބޯޓެއް ޖެހި އެކްސިޑެންޓެއް ހިނގައިފިއެވެ.
މެރިން ޕޮލިސް އިން ބުނީ، މި އެކްސިޑެންޓް ހިންގާފައި ވަނީ މިއަދު މެންދުރު ފަހު 3:30 ހާއިރު ކަމަށެވެ. އދ އަތޮޅަށް ދިއުމަށް މާލެއިން ފުރި މި ލޯންޗް އެކްސިޑެންޓް ވެފައި ވަނީ މާލެ ކައިރިންނެވެ.
ފުލުހުން ބުނީ، އެމްޕީއެލް ޖެޓީއިން މާލެ ފަޅަށް ވަންނަން އައި ޓަގް ބޯޓުގައި ލޯންޗް ޖެހިގެން ހިނގި އެކްސިޑެންޓްގައި އެ ލޯންޗް ދުއްވަން އިން ކައްޕި އަށް އަނިޔާވެފައިވާ ކަމަށެވެ. އަދި ކައްޕި ވަނީ ހޮސްޕިޓަލަށް ގެންގޮސް ފަރުވާ ދީފައި ކަމަށް ވެސް ފުލުހުން ބުނެއެެވެ. ނަމަވެސް ކައްޕިއަށް ލިބުނު އަނިޔާގެ ތަފްސީލެއް ނުދެއެވެ.