އުރީދޫ ފަން ރަން ޖޫން 27ގައި އައްޑޫގައި، ރަޖިސްޓްރޭޝަނަށް ހުޅުވާލައިފި
ދަޕްރެސް
3 ޖޫން 2025 | އަންގާރަ | 4:49
އުރީދޫ ފަން ރަން ޖޫން 27ގައި އައްޑޫ ސިޓީގައި ބޭއްވުމަށް ނިންމައި، ރަޖިސްޓްރޭޝަނަށް ހުޅުވާލައިފިއެވެ.
އުރީދޫ މޫލީ އެޕް މެދުވެރިކޮށް ފަން ރަންގައި ރަޖިސްޓްރީވުމުގެ ފުރުސަތު މި މަހުގެ 16 ވާ ބުރާސްފަތި ދުވަހުގެ ރޭ 11:59ގެ ނިޔަލަށް ވަނީ ހުޅުވާލާފައެވެ. އުރީދޫ ފަން ރަން ބާއްވުމަށް ހަމަޖެހިފައި ވަނީ އައްޑޫ ސިޓީ މަރަދޫގައެވެ.
އުރީދޫ ފަން ރަންއަކީ ކޮންމެ އަހަރަކު އުރީދޫއިން ބާއްވަމުންދާ ހަރަކާތްތަކުގެ ތެރެއިން އާންމުންގެ މެދުގައި އެންމެ މަގުބޫލު އެއް ހަރަކާތެވެ. މިދިޔަ އަހަރު ހުޅުމާލޭގައި ކުރިއަށް ގެންދިޔަ މި ހަރަކާތްތަކުގައި 6500 އަށްވުރެ ގިނަ ބައިވެރިން ބައިވެރިވެފައިވާ ކަމަށް އުރީދޫއިން ވަނީ ބުނެފައެވެ.