މޫސުމީ ބަދަލުން މަސްވެރިކަމަށް އަސަރު ކުރޭ، ކަނޑުތައް ރައްކާތެރިކުރަން މާލީ އެހީ ދޭން ޖެހޭ: ޝިޔާމް
ދަޕްރެސް
11 ޖޫން 2025 | ބުދަ | 7:32
މޫސުމީ ބަދަލުތަކުގެ ސަބަބުން ރާއްޖޭގެ އިގްތިސޯދަށް ފައިދާ ކުރާ މަސައްކަތެއް ކަމަށްވާ މަސްވެރިކަމަށް ބޮޑެތި ގެއްލުންތައް ލިބެމުން އަންނަ ކަމަށާއި ކަނޑުތައް ރައްކާތެރިކުރުމަށް ކުދި ޖަޒީރާ ގައުމުތަކަށް މާލީ އެހީތެރިކަން ފޯރުކޮށް ދޭން ޖެހޭ ކަމަށް ކަމަށް ފިޝަރީޒް މިނިސްތަރު އަހްމަދު ޝިޔާމް ވިދާޅުވެއްޖެއެވެ.
ފްރާންސްގައި މިހާރު ކުރިއަށްދާ އދ. ގެ އޯޝަން ކޮންފަރެންސްގެ 3 ވަނަ ބައްދަލުވުމުގައި ތަގުރީރު ކުރައްވަމުން މިނިސްޓަރު ޝިޔާމް ވިދާޅުވީ މޫސުމީ ބަދަލުތަކުގެ ސަބަބުން ކުރާ ނޭދެވޭ އަސަރުތަކާ އަދި އެ ނުރައްކަލާ ރާއްޖެއިން ކުރިމަތިލާން ޖެހިފައިވާ ކަމެއް ކަމަށެވެ.
ކަނޑުގެ ލޮނުގަނޑު އުފުލުމާއި މުރަކަތައް މަރުވުމަކީ ހަމައެކަނި ސައިންސުވެރިން ފާހަގަކުރާ ކަންބޮޑުވުމެއް ނޫން ކަމަށާއި އެއީ ދިވެހީންގެ ދިރިއުޅުމުގެ ހަގީގަތް ކަމަށް ޝިޔާމް ވިދާޅުވިއެވެ. މޫސުމީ ބަދަލުތަކުގެ ސަބަބުން ދިމާވާ ގޮންޖެހުންތައް އެންމެ ބޮޑަށް ކުރާ ގައުމުތަކުގެ ތެރޭން ދިވެހިރާއްޖެ ހިމެނޭ އިރު، އެ ނުރައްކަލުން އަރައިގަތުމަށް ރާއްޖޭން އަބަދުވެސް ކުރީ ސަފުގައި މަސައްކަތް ކުރަމުންދާނެ ކަމަށް ޝިޔާމް ވިދާޅުވިއެވެ.