ސްރީލަންކާ ސަރުކާރާ ވަކިވެގަތުމަށް މަސައްކަތް ކުރި ތަމަޅައިން ގާއިމުވެ ތިބި ސަރަހައްދުން ބޮޑު ގަބުރުސްތާނެއް ފެނިއްޖެއެވެ.

މިހާތަނަށް 19 ހަށިގަނޑު ފެނިފައިވާ އިރު އޭގެ ތެރޭގައި 10 ދުވަސް ނުވާ ތުއްތު 3 ކުއްޖެއްޖެ ކަށިތައްވެސް ހުރި ކަމަށް އާކިއޮލޮޖިސްޓުން ވަނީ ބުނެފައެވެ.

ލަންކާގެ މައި ސަރުކާރާ ވަކިވެ ވަކި ދައުލަތެއް ގާއިމު ކުރުމަށް ތަމަޅައިން 24 އަހަރު ވާންދެން ހަނގުރާމަ ކުރިއެވެ. ތަމަޅައިގެން ތެރޭގައިވެސް އިންސާނީ ބޮޑެތި ޖަރީމާތާއް ހިންގާފައި ވާ އިރު، އެ ހަނގުރާމައިގައި ތަމަޅައިންގެ ތެރެއިން ގިނަ ބަޔަކު މަރުވެފައި ވެއެވެ. ބޭރުގެ އެހީއާއެކު ލަންކާގެ ސަރުކާރު ސިފައިން ކުރި ހަނގުރާމައިގައި 40،000 އަށް ވުރެ ގިނަ މީހުން މަރާލާފައި ވާކަމަށް އދ ގެ ރިޕޯޓުތައް ބުނާއިރު ތަމަޅައިންނާ ހަވާލާދީ ބައެއް ރިޕޯޓުތަކުގައި ބުނެފައި ވަނީ، 170،000 މީހުން މަރާލި ކަމަށެވެ. އަދި 60،000 އާއި 100،000 އާ ދެމެދުގެ އަދަދެއްގެ މީހުން، ވީނުވީއެއް ނޭނގި ގެއްލިފައި ވާ ކަމަށް އެމްނެސްޓީން ކުރި ދިރާސާއެއްގައި ހާމަ ކޮށްފައި ވެސް ވެއެވެ.

މައުޟޫޢުތަށް