ނަޝީދު އެމްޑީޕީއާ އަލުން ގުޅިވަޑައިގަންނަވާ ޖަލްސާ ބާއްވަން ސަލްޓަން ޕާކު ދޭން ނިންމައިފި
ދަޕްރެސް
20 ޖޫން 2025 | ހުކުރު | 9:47
ކުރީގެ ރައީސް މުހައްމަދު ނަޝީދާއި ޑިމޮކްރެޓުންގެ މެންބަރުން އެމްޑީޕީއަށް އަލުން ސޮއިކުރުމުގެ ޖަލްސާ ބާއްވަން ސަލްޓަން ޕާކު ދޭން ނިންމައިފިއެވެ.
ނަޝީދާއި ޑިމޮކްރެޓުންގެ ގިނަ މެންބަރުން އެމްޑީޕީ އާ އަލުން ގުޅިވަޑައިގެންނެވުން ފާހަގަކުރުމަށް ހަފްލާއެއް ބޭއްވުމަށާއި އެ ޕާޓީގެ 20 ވަނަ އަހަރީ ދުވަސް ފާހަގަކުރުމަށް ތަނެއް ހަމަޖެއްސުމަށް ކުރި މަސައްކަތަށް ސަރުކާރުން ހުރަސް އަޅަމުންދާ ކަމަށް ވިދާޅުވެ، އެމްޑީޕީގެ ޗެއާޕާސަން ފައްޔާޒް އިސްމާއީލް ވަނީ ކަންބޮޑުވުން ފާޅުކުރައްވައި 'އެކްސް'ގައި ރޭ ލިޔުއްވައިފައެވެ.
"ވީމާ މި ޖަލްސާތަކާއި ހަފްލާތައް ބޭއްވުމަށް ސަރުކާރުން އިތުރު ތަނެއް ހަމަޖައްސަވައި ނުދެއްވާނަމަ، އެމްޑީޕީ އަށް ތާއީދުކުރައްވާ އެންމެހާ ބޭފުޅުން މި މަހުގެ 23 ވަނަ ދުވަހުގެ ރޭ 9 ޖަހާއިރު މުލިއާގޭ ކަންމައްޗަށް ވަޑައިގެން ދެއްވުމަށް ދައުވަތު އަރުވަމެވެ،" ފައްޔާޒްގެ ޕޯސްޓުގައި ވެއެވެ.