ޒަކާތު ހައުސްއިން ފަގީރުންނާއި މިސްކީނުންގެ ބޭސްފަރުވާއަށް ނިމިދިޔަ މެއި މަހު 3.9 މިލިޔަނަށް ވުރެ ގިނަ ރުފިޔާ ހަރަދުކޮށްފިއެވެ.

ޒަކާތު ހައުސް އިން އާންމުކޮށްފައިވާ މޭ މަހުގެ ތަފާސްހިސާބުތަކުން ހާމަވާ ގޮތުގައި މެއި މަހު ޒަކާތު ފަންޑަށް ބޭސްފަރުވާގެ އެހީގެ ގޮތުގައި 1،456،703.07 ރުފިޔާ ވަނީ ހަމަޖެހިފައެވެ. އަދި އެމަހު ހަރަދުކޮށްފައިވަނީ 3،903،704.36 ރުފިޔާއެވެ.

ޒަކާތު ހައުސް އިން ބުނީ މެއި މަހު ޒަކާތު ފަންޑުން ބޭސްފަރުވާއަށް 116 މީހަކަށް އެހީތެރިކަން ފޯރުކޮށްދީފައިވާކަމަށާއި، އޭގެތެރެއިން އެންމެ ގިނައިން އެހީ ފޯރުކޮށްދީފައިވަނީ ކެންސަރު ބައްޔަށް ފަރުވާ ކުރާ ފަރާތްތަކަށް ކަމަށެވެ. އެގޮތުން ކެންސަރު ބައްޔަށް ފަރުވާ ކުރުމަށް 619،264.57 ރުފިޔާ އެހީގެ ގޮތުގައި ހަމަޖައްސާފައިވާކަމަށް ވަނީ ބުނެފައެވެ.

މައުޟޫޢުތަށް