ބީއެމްއެލްގެ 40 ވަނަ ބްރާންޗް ދުވާފަރުގައި ހުޅުވައިފި
ދަޕްރެސް
19 ޖުލައި 2025 | ހޮނިހިރު | 4:25
ބޭންކް އޮފް މޯލްޑިވްސް (ބީއެމްއެލް)ގެ 40 ވަނަ ބްރާންޗް ރ. ދުވާފަރުގައި ހުޅުވައިފިއެވެ.
ދުވާފަރުގައި ބޭއްވި ރަސްމިއްޔާތުގައި މި ބްރާންޗް ރަސްމީކޮށް ހުޅުއްވައިދެއްވާފައިވަނީ ކޮންސްޓްރަކްޝަން މިނިސްޓަރު އަބްދުﷲ މުއްތަލިބެވެ. މި ރަސްމިއްޔާތުގައި ބޭންކުގެ ޗެއާޕާސަން އަހުމަދު އަލީ ހަބީބުގެ އިތުރުން ޑެޕިއުޓީ ސީއީއޯ އަދި ޗީފް އޮޕަރޭޓިން އޮފިސަރު ސަހާ ވަހީދު ވަނީ ބައިވެރިވެވަޑައިގެންފައެވެ.
ދުވާފަރުގައި ހުޅުވުނު މި ބްރާންޗަކީ އިސްލާމިކް ފައިނޭންސް ފަސްޓް ޕޮލިސީގެ ދަށުން ގާއިމުކުރެވިފައިވާ ބްރާންޗެއް ކަމަށާއި، މި ބްރާންޗުގައި ހިދުމަތް ދެމުންދާނީ އިސްލާމިކް ބޭންކިން ހިދުމަތްތަކަށް އިސްކަންދީގެން ކަމަށް ބީއެމްއެލް އިން ވަނީ ބުނެފައެވެ.