އިންޓަނޭޝަނަލް ފެންވަރަށް މާފަރު އެއާޕޯޓް ތަރައްގީކޮށް، ހޮޓަލެއް އަޅަނީ
ދަޕްރެސް
21 ޖުލައި 2025 | ހޯމަ | 12:24
އިންޓަނޭޝަނަލް ފެންވަރަށް މާފަރު އެއާޕޯޓް ތަރައްގީކޮށްދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ ނ. މާފަރަށް ވަޑައިގެން އެ ރަށުގެ ރައްޔިތުންނާ މުހާތަބުކުރައްވާ ދެއްކެވި ވާހަކަފުޅުގައެވެ.
މާފަރު އެއާޕޯޓް އެކަށީގެންވާ ވަރުގެ ރަންވޭއަކާއެކު ހުޅުވިގެންގޮސްފައިވީ ނަމަވެސް އަދިވެސް އިންޓަނޭޝަނަލް އެއާޕޯޓަކަށް ބޭނުންވާ ބައިވަރު އިތުރު ކަންކަން ހުރިކަން ރައީސްގެ ވާހަކަފުޅުގައި ފާހަގަކުރެއްވިއެވެ. އެގޮތުން އެއާޕޯޓުގެ ޓާމިނަލް މަސައްކަތާއި ހޮޓަލެއް އެޅުމަށް މަޝްވަރާ ކުރަމުންދާ ކަމަށް ރައީސް ވިދާޅުވިއެވެ.