ހުރާގެ މޮނިއުމަންޓަށް ގެއްލުންދިން މައްސަލަ ފުލުހުން ތަހުގީގު ކުރަނީ
ދަޕްރެސް
6 އޯގަސްޓު 2025 | ބުދަ | 1:26
ކ. ހުރާގެ ބަނދަރުމަތީގައި އެ ރަށު ކައުންސިލްގެ ފަރާތުން ބެހެއްޓި މޮނިއުމަންޓަށް ގެއްލުންދިން މައްސަލަ ފުލުހުން ބަލަން ފަށައިފިއެވެ.
ހުރާގެ ބަނދަރު މަތީގައި ބެހެއްޓި މޮނިއުމަންޓްގައި ވަނީ ޗައިނާގެ ފަތުރުވެރިންގެ މެދުގައި މަޝްހޫރު 'ކްރެބް އައިލެންޑް' ރަމްޒު ކޮށްދޭ ގޮތަށް މާކަނައަކާއި ރަތް ބޮޑު ކަކުންޏެކެވެ. އެ މޮނިއުމަންޓު ބެހެއްޓިތާ ހަފްތާއެއް ނުވަނީސް އިއްޔެ ރޭ ދަންވަރު އެއަށް ވަނީ ބަޔަކު ގެއްލުންދީފައެވެ.
އެކަމާ ކަންބޮޑުވުން ފާޅުކޮށް އެ ރަށުން އިއްޔެ ނެރުނު ބަޔާނެއްގައި ބުނީ، ފައިބަރުން ހަދާފައިވާ މޮނިއުމަންޓުގެ ބައެއް ތަންތަނަށް ގެއްލުންދީ،ހަލާކު ކޮށްލާފައިވާ މައްސަލަ ފުލުހަށް ހުށަހަޅާފައިވާ ކަަމަށެވެ.