ކުރީގެ ރައީސް އަބްދުﷲ ޔާމީން ހަސަދަވެރިވަޑައިގެން ކުރައްވާފަ، ނުކުރައްވާނެ ކަމެއް ނެތްކަން ސާބިތުކޮށްދީފައިވާ ކަމަށް ވިލާ އެއާގެ ޗެއާމަން އަދި މާމިގިލީ ދާއިރާގެ މެންބަރު ގާސިމް އިބްރާހީމް ވިދާޅުވެއްޖެއެވެ.

ގާސިމް މިފަދައިން ވިދާޅުވީ ވިލާ ކުންފުނިން ހިންގަމުންދާ ކާޑެއްދޫ ޑޮމެސްޓިކް އެއާޕޯޓާއި ބެހޭ ގޮތުން ރަައީސް ޔާމީން ދެއްކެވި ވާހަކަފުޅުތަކާ ގުޅިގެން ނެރުއްވި ބަޔާނެއްގައެވެ. ކާޑެއްދޫ އެއާޕޯޓަކީ ގާސިމްގެ "ތަރިކަ މުދާގަނޑެއް" ކަމަށާއި ގާސިމް އެދިވަޑައިގަންނަވައިގެން ކޮންމެ ސަރުކާރަކުން ކާޑެއްދޫ އެއާޕޯޓު ގާސިމަށް ދެނީ ކަމުގައި ޔާމީން ވިދާޅުވެފައިވެއެވެ. އަދި އެ އެއާޕޯޓު ހިންގަން އުޅެއުޅެ ނުހިންގުމުން ސަރުކާރު ބޮލުގައި އަޅުވަން ޖެހުނީ ކަމަށްވެސް ޔާމީން ވަނީ ވިދާޅުވެފައެވެ.

ގާސިމް ނެރުއްވި ބަޔާނުގައި ފާހަގަކޮށްފައިވާ ގޮތުގައި ކާޑެއްދޫ އެއާޕޯޓާ ވިލާއިން ހަވާލުވުމަށްފަހު އެއާޕޯޓަށް އަލަށް ގެންނަށްޖެހޭ އެތައް ބަދަލުތަކެއް ގެނެސްފައިވެއެވެ. އަދި ބައިނަލްއަގްވާމީ އެއާޕޯޓަކަށް އެ އެއާޕޯޓް ބަދަލުކުރުމަށް ރާއްޖޭ ބޭރުގެ ޕާޓްނަރަކާއެކު، 150 މިލިއަން ޑޮލަރުގެ ޕްލޭނެއްކޮށް ކުއްޔަށް ދޭ މުއްދަތު 99 އަހަރަށް، ބަދަލުކުރުމަށް އެދިފައިވަނިކޮށް، ރައީސް ޔާމީން އެކި ބަހަނާތައް ދައްކަވާ އަދުލުވެރި ބަދަލެއް ދިނުމެއްނެތި 2017 ވަނަ އަހަރު އެއަޕޯޓު ސަރުކާރަށް ނެގީ ކަމަށް ގާސިމް ވަނީ ވިދާޅުވެފައެވެ.

މައުޟޫޢުތަށް