މަހްލޫފް އިދިކޮޅު އެމްޑީޕީން ވަކިވެއްޖެ
ދަޕްރެސް
8 ސެޕްޓެމްބަރު 2025 | ހޯމަ | 4:58
ކުރީގެ ޔޫތު މިނިސްޓަރު، އަހްމަދު މަހްލޫފް އިދިކޮޅު އެމްޑީޕީން ވަކިވެއްޖެއެވެ.
އެމްޑީޕީން ވަކިކޮށްދިނުމަށް އެދި އެ ޕާޓީގެ ޗެއާޕާސަން ފައްޔާޒު އިސްމާއީލަށް އެޑްރެސްކޮށް މަހުލޫފް މިއަދު ފޮނުއްވި ސިޓީގައި 2015 އިން ފެށިގެން އެމްޑީޕީއަށް ހިދުމަތް ކުރަން ލިބުނު ފުރުސަތަށް އޭނާ ވަނީ ޝުކުރު އަދާކުރައްވައިފަ އެވެ.
އަދި ހަމަ އެހެންމެ ކުރީގެ ރައީސް އިބްރާހީމް މުހައްމަދު ސޯލިހްގެ ސަރުކާރުން ގެނެސްދިން ތަރައްގީތަކުގެ ބައިވެރިއެއްގެ ގޮތުން ކެބިނެޓުގައި ގިނަ މަސައްކަތްތަކެއް ކުރެވިފައިވާތީ އުފާކުރައްވާކަން ފާހަގަކޮށް މަހުލޫފް ވަނީ އެމްޑީޕީން ވަކިވެވަޑައިގަންނަވަން ނިންމެވުމުން އެކަމާ ހިތްހަމަނުޖެހުމެއް އެއްވެސް މެންބަރެއްގެ އޮތް ނަމަ އެ ކަމަށް މައާފަށް ވެސް އެދިފައެވެ.