ހުޅުމާލެއިން ކަރަންޓު ކެނޑުނީ ބަޔަކު ސަބްސްޓޭޝަނަކަށް ގެއްލުންދޭން އުޅުމުން: ސްޓެލްކޯ
ދަޕްރެސް
21 ސެޕްޓެމްބަރު 2025 | އާދިއްތަ | 1:53
ރޭ ހުޅުމާލެއިން ކަރަންޓު ކެނޑިފައި ވަނީ ބަޔަކު ސަބްސްޓޭޝަނަކަށް ގެއްލުންދޭން އުޅުމުގެ ސަބަބުން ކަމަށް ސްޓެލްކޯއިން ބުނެފިއެވެ.
ރޭ ކަރަންޓުގެ ހިދުމަތް މެދުކެނޑިފައި ވަނީ ހުޅުމާލެ ފޭސް 2، ވިނަރެސް، ހިޔާ އަދި އެމްޕީއެލްގެ ބައެއް ޓަވަރުތަކުންނެވެ.
މިކަމާ ގުޅިގެން ނެރުނު ނޫސްބަޔާނެއްގައި ސްޓެލްކޯއިން ބުނީ އެ ޓަވަރުތަކުން ކަރަންޓުގެ ހިދުމަތް މެދުކެނޑިފައި ވަނީ ހުޅުމާލެ ފޭސް 2ގެ ސަބްސްޓޭޝަނަކަށް ބަޔަކު ގެއްލުންދޭން އުޅުމުގެ ތެރޭގައި ނެޓްވޯކް ފީޑާގެ ބައެއް އޮފްވެގެން ކަމަށެވެ.