ށ. މިލަންދޫ އިސްލާމީ މަރުކަޒާއި ހޮސްޕިޓަލުގެ އަމަލީ މަސައްކަތް ފަށައިފި
ދަޕްރެސް
15 އޮކްޓޯބަރު 2025 | ބުދަ | 3:44
ށ. މިލަންދޫ އިސްލާމީ މަރުކަޒާއި ހޮސްޕިޓަލުގެ އަމަލީ މަސައްކަތް އެމްޓީސީސީން ފަށައިފިއެވެ.
ރައީސް މުއިއްޒު ށ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން މިއަދުު މިލަންދޫއަށް ވަޑައިގެން މި ރަސްމިއްޔާތު ވަނީ ޝަރަފުވެރިކޮށްދެއްވާފައެވެ.
އެމްޓީސީސީން ބުނީ 2078 މީހުންގެ އާބާދީއެއް އޮންނަ މިލަންދޫ ރައްޔިތުންގެ އެންމެ ބޮޑު އެއް އުންމީދަކީ ސިއްހީ ހިދުމަތް ރަށުގައި ރަނގަޅުވެގެން ދިއުން ކަމަށާއި، އެގޮތުން މިލަންދޫ ހޮސްޕިޓަލްގެ މަސައްކަތް ނިމުމާއެކު ރަށުގެ ރައްޔިތުންނަށް ރަށުގައި ތިބެގެންހޯދޭ ސިއްހީ ފަރުވާގެ ހިދުމަތްތައް ފުޅާވެގެންދާނެ ކަމަށެވެ.