އައްޑޫ ބްރިޖުގެ މަސައްކަތަށް ފަންނީ ލަފާދޭން ޗައިނާގެ 'ޓީވައި ލިން އިންޓަނޭޝަނަލް'އާ ހަވާލުކޮށްފި
ދަޕްރެސް
26 އޮކްޓޯބަރު 2025 | އާދިއްތަ | 7:19
އައްޑޫ ހިތަދޫ-ހުޅުމީދޫ ގުޅުވާލާ ބްރިޖް މަޝްރޫއަށް ފަންނީ ލަފާ ދޭން ޗައިނާގެ ކުންފުންޏަކާ ހަވާލުކޮށްފި އެވެ.
ބްރިޖު މަޝްރޫއުގެ ސާވޭ އާއި ޑިޒައިން އަދި ޓެންޑާ ޑޮކިއުމަންޓާއި ޓެކްނިކަލް ސްޕެސިފިކޭޝަން ހިމެނޭ ގޮތަށް ތައްޔާރު ކުރުމުގެ މަސައްކަތުގެ ކޮންސަލްޓަންސީ ސާވިސް ދޭނެ ފަރާތެއް ހޯދަން އިއުލާން ކުރީ މިދިޔަ މާޗް މަހުގެ ދެވަނަ ދުވަހުއެވެ.
އެ މަސައްކަތަށް ޝައުގުވެރިވާ ފަރާތްތަކުން އެބައެއްގެ ގާބިލުކަން ސާބިތުކޮށްދޭ ލިޔުންތަކާއެކު ހުށަހަޅަންޖެހޭ ގޮތަށް ކުރި އެ އިއުލާނުގައި ބަޔާންކޮށްފައިވާ ގޮތުން މަސައްކަތަށް ބަޔަކު ނަގަނީ އެކަމަށް އެދި ހުށަހަޅާ އެންމެންގެ ތެރެއިން ޝޯޓް ލިސްޓު ކުރާ ފަރާތްތަކަށް ފްރޮޕޯސަލް ހުށަހެޅުމުގެ ފުރުސަތު ދީގެންނެވެ.