މިއަހަރުގެ ދެ މިލިއަންވަނަ ފަތުރުވެރިޔަކަށް އިނގެރޭސިވިލާތުގެ ބެތެނީ ސަރާ
ދަޕްރެސް
28 ނޮވެމްބަރު 2025 | ހުކުރު | 11:38
މި އަހަރުގެ ދެ މިލިއަން ވަނަ ފަތުރުވެރިޔާއަށް ރާއްޖެއިން ހޫނު މަރުހަބާއެއް ކިޔައިފިއެވެ.
މި އަހަރުގެ ދެ މިލިއަން ވަނަ ފަތުރުވެރިޔާގެ ލަގަބު ލިބިފައި ވަނީ އިނގެރޭސިވިލާތުގެ ރައްޔިތެއް ކަމުގައިވާ ބެތެނީ ސަރާ ކާސްވެލް 30އ، އަށެވެ. މިއީ އޭނާ ރާއްޖެ އައި ފުރަތަމަ ފަހަރު ކަމަށްވާއިރު ބެތެނީ ރާއްޖެ ޒިޔާރަތް ކުރީ އަލަތުކައިވެނީގެ ހަނީމޫން އައުޓްރިގާ މާފުށިވަރުގައި ހޭދަކުރުމަށެވެ.
ދެ މިލިއަން ވަނަ ފަތުރުވެރިޔާއަށް މަރުހަބާކިޔުމުގެ ގޮތުން އިއްޔެ ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ ވޯޓާ ފްރަންޓް އޭރިއާގައި ވަނީ ކުލަގަދަ ހަފްލާއެއް ބާއްވާފަ އެވެ.