މަސްވެރިންގެ މުޒާހަރާގެ ތެރެއިން ހައްޔަރު ކުރި ރައްޔިތުން މަޖިލީހުގެ ކެންދޫ ދާއިރާގެ އެމްޑީޕީ މެންބަރު، މައުރޫފު ޒާކިރާއި އެހެން މީހުން ދޫކޮށްލުމަށް ގޮވާލާ އެމްޑީޕީން އިހުތިޖާޖުކޮށްފިއެވެ.

މިދިޔަ ބުދަ ދުވަހު ފެށި މި މުޒާހަރާއަކީ މަސްވެރިންގެ ދުވަހާއި ގުޅިގެން "ދެން ނުވަނެ، ދެން ނުފުރޭނެ". ނަމުގައި ބޮޑު ކަންނެލި މަސްވެރިންގެ ޔުނިއަންއިން އިންތިޒާމްކޮށްގެން ކުރިއަށްގެންދާ މުޒާހަރާއެކެވެ. މި މުޒާހަރާ ހޫނުވެ ފުލުހުން ހައްޔަރު ކުރި މީހުންގެ ތެރޭގައި މައުރޫފު ވެސް ހިމެނެއެވެ.

އެއާއެކު އެ ޕާޓީގެ ޕީޖީ ގްރޫޕުގެ މެންބަރާއި އިތުރު މީހުންގެ ބަންދުގެ މުއްދަތު އިތުރު ކުރުމާއި ދެކޮޅަށް މިއަދު ސުލްހަވެރި އިހުތިޖާޖު ކުރަމުންދަނީ ކްރިމިނަލް ކޯޓު ކައިރީގައެވެ. ހަވީރުން ފެށިގެން ކުރިއަށްގެންދިޔަ މި އިހުތިޖާޖާއި ބީކޭޔޫގެ މެންބަރުން ގުޅިފައިވާއިރު އެ މީހުން ގޮވާލަމުންދަނީ މުޒާހަރާއިން ހައްޔަރުކުރި މީހުން ދޫކޮށްލުމަށެވެ.

މައުޟޫޢުތަށް