މަގާމު ހުސްކޮށް އޮންނަތާ ދެމަސް ފަހުން އެންޑީއޭގެ ޗެއާމަނަކަށް ސިއްދީގު ހަމަޖައްސައިފި
ދަޕްރެސް
22 ޑިސެމްބަރު 2025 | ހޯމަ | 10:27
ނޭޝަނަލް ޑްރަގް އެޖެންސީ (އެންޑީއޭ)ގެ ޗެއާމަންގެ މަގާމު ހުސްކޮށް އޮންނަތާ ދެމަސް ފަހުން އެ މަގާމަށް ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ ސްޓޭޓް މިނިސްޓަރު އަހުމަދު ސިއްދީގު ހަމަޖައްސައިފިއެވެ.
މި މަގާމު ހުސްވެފައިވަނީ މި މަގާމުގައި ކުރިން ހުންނެވި ލުބްނާ ޒާހިރު ހުސައިން ފޮރިން މިނިސްޓްރީ އަށް ބަދަލުކުރެއްވުމާއި ގުޅިގެންނެވެ.
އެންޑީއޭގެ ޗެއާމަންގެ މަގާމަށް އައްޔަންކުރެއްވި ސިއްދީގަކީ ކުރީގެ ރައީސް އަބްދުﷲ ޔާމީންގެ ސަރުކާރުގައި ހޯމް މިނިސްޓްރީގެ ޑެޕިއުޓީ މިނިސްޓަރުކަން ކުރައްވާފައިވާ ބޭފުޅެކެވެ. އަދި މި ސަރުކާރުގެ ސްޓޭޓް މިނިސްޓަރުކަންވެސް ކުރައްވާފައިވާ ސިއްދީގަކީ ޑިޕާޓްމަންޓް އޮފް ޖުވެނައިލް ޖަސްޓިސް ހިންގެވުމުގައިވެސް އިސްކޮށް އުޅުއްވި ބޭފުޅެކެވެ.