ސުތުރާގެ ނަމުގައި މިސްކިތްތަކުގައި ބަހައްޓާފައި ހުރި ތަކެތި ނަގައިދޭން އެދޭނަން: ޝަހީމް
ދަޕްރެސް
23 ޑިސެމްބަރު 2025 | އަންގާރަ | 10:38
ސުތުރާގެ ނަމުގައި މިސްކިތްތަކުގައި ބަހައްޓާފައި ހުރި ތަކެތި ނަގައިދޭން މާލެ ސިޓީ ކައުންސިލުގައި އެދިވަޑައިގަންނަވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މީޑިއާތަކަށް ފޮނުވި މެސެޖެއްގައި ޝަހީމް ވަނީ މިފަހަކަށް އައިސް ނަމާދު ކުރާއިރު ކުރިމަތީގައި ބެހެެއްޓުމަށްޓަކައި ސުތުރާގެ ނަމުގައި އެކި ސިފަ ސިފައިގެ ތަކެތި ހަދައިގެން މިސްކިތްތަކުގެ ތެރޭގައި ބަހައްޓައިގެން އުޅޭކަން ފާހަގަކުރައްވާފައެވެ.
ޝަހީމް ވިދާޅުވީ މިއީ ރަސޫލާގެ ހަޔާތްޕުޅުގައި ވެސް އަސްހާބު ބޭކަލުންގެ ހަޔާތްޕުޅުގައި ވެސް އަދި ހެޔޮކަންބޮޑުވެގެންވާ ތިން ގަރުނުގައި ވެސް މިކަން ކޮށްފައިވާ ގޮތް ނޫން ކަމަށެވެ. އަދި ސުންނަތުގައި ބަޔާންވެގެންވާ ސުތުރާގެ މަފްހޫމާއި ހިލާފު މިފަދަ ކަންކަން ފެތުރިގެން ދިއުމަކީ ރަނގަޅު ގޮތެއް ނޫން ކަމަށް ވެސް ޝަހީމް ވިދާޅުވިއެވެ.