ބިންވެރިޔާ ސްކީމްގެ ދަށުން ގޯތި ދޫކުރަން ނިންމާފައިވާ ގިރާވަރުފަޅުން 4،072 ގޯތި ދޫކުރާ ގޮތަށް، ލޭންޑް ޔޫސް ޕްލޭން ހެދުމަށް ފަހު ގެޒެޓް ކުރާނެ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބު މިއަދު ވިދާޅުވެއްޖެ އެވެ.

ހައުސިން މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި މުއްތަލިބް ވިދާޅުވީ، ކުރީގެ ސަރުކާރުން ނިންމާފައި ވަނީ ގިރާވަރުފަޅުން 5،186 ގޯތި ދޭން ކަމަށެވެ. ގިރާވަރުފަޅުން 170 ހެކްޓަރުގެ ބިން ހިއްކަން ނިންމާފައިވާ އިރު، އެތަނުގައި އެ އަދަދަށް ގޯތި ދީގެން އެންމެ އެކަށީގެންވާ ވަރަށް ދިރިއުޅުމުގެ މާހައުލު ގާއިމުވެފައި އޮތް ކަމަށް ގަބޫލު ނުކުރެވޭތީ އޭގެތެރެއިން 1،114 ގޯތި ގުޅީފަޅަށް ބަދަލުކުރީ ކަމަށް މުއްތަލިބް ވިދާޅުވިއެވެ.

އެ ބަދަލާ އެކު މިހާރު ގިރާވަރުފަޅުން ދޫކުރާނީ 4072 ގޯތި ކަމަށާއި އެ ގޯތި ދިނުމަށް ލޭންޑްޔޫސް ޕްލޭނަށް ބަދަލު ގެންނަމުންދާ ކަމަށް މުއްތަލިބް ވިދާޅުވިއެވެ. އަދި ލޭންޑް ޔޫސް ޕްލޭން ފާސްވުމާ އެކު، އެ ނިންމުން ވަރަށް އަވަހަށް ގެޒެޓު ކުރާނެ ކަމަށް ވެސް މުއްތަލިބު ވިދާޅުވިއެވެ.

މައުޟޫޢުތަށް