އެސްއެމްއީތަކަށް ހާއްސަކޮށް މާލެ، ކުޅުދުއްފުށި އަދި އައްޑޫގައި ސްޓޯރޭޖް ފެސިލިޓީތައް ގާއިމްކުރަނީ
ދަޕްރެސް
30 ޑިސެމްބަރު 2025 | އަންގާރަ | 7:51
ކުދި އަދި މެދުފަންތީގެ ވިޔަފާރިތަކަށް ހާއްސަކޮށް މާލެ، ކުޅުއްފުށި ސިޓީ އަދި އައްޑޫ ސިޓީގައި ސްޓޯރޭޖް ފެސިލިޓީތައް ގާއިމްކުރަން ނިންމާފައިވާ ކަމަށް އިކޮނޮމިކް މިނިސްޓްރީއިން ބުނެފިއެވެ.
އިކޮނޮމިކް މިނިސްޓްރީއިން މިއަދު ނެރުނު ބަޔާނެއްގައި ބުނީ ކުރިއަށް އޮތް 2 އަހަރަކީ ކުދި އަދި މެދު ފަންތީގެ ވިޔަފާރިތައް ކުރިއެރުވުމަށް ހާއްސަ ފިޔަވަޅުތަކެއް ތަންފީޒު ކުރާނެ 2 އަހަރުގެ ގޮތުގައި ކަނޑައަޅުއްވައި އަންނަ ޖެނުއަރީއިން 1 ވަނަ ދުވަހުން ފެށިގެން އެކަންކަން ކުރިއަށް ގެންދިއުމަށް ރައީސް ނިންމާފައިވާ ކަމަށެވެ.
ރައީސްގެ އެ ނިންމެވުން ތަންފީޒުކުރުމަށްޓަކައި ކުދި އަދި މެދު ފަންތީގެ ވިޔަފާރިތަކަށް ލުއި ގޮތްތަކެއް ހަމަޖެއްސުމުގެ މަސައްކަތް ސަރުކާރުން ކުރަމުންދާ ކަމަށް ވެސް އިކޮނޮމިކް މިނިސްޓްރީއިން ވަނީ ބުނެފައެވެ.