ރުގްޔާގެ ނަމުގައި އަންހެނަކާއި 3 ކުދިންނަށް ޖިންސީ ގޯނާ ކުރި 2 މީހަކު ޖަލަށްލާން ހުކުމްކޮށްފި
ދަޕްރެސް
31 ޑިސެމްބަރު 2025 | ބުދަ | 9:57
2020 ވަނަ އަހަރު އެކި ދުވަސްމަތިން އަންހެނަކާއި 3 ކުއްޖަކަށް ރުގްޔާ ކުރުމުގެ ނަމުގައި ޖިސްމާނީ ހާނިކަކޮށް، ޖިންސީ ގޯނާކޮށްފައިވާ މައްސަލައިގައި 2 މީހަކު ޖަލަށްލާން ހުކުމްކޮށްފިއެވެ.
މި މައްސަލައާ ގުޅިގެން ޖަލަށްލާން ހުކުމްކޮށްފަައިވަނީ ރ. ކަނދޮޅުދޫ، މިރިހިމާގެ އިސްމާއިލް ވަހީދާއި އެ ރަށު ދިލްސާދުއާގެ މުހައްމަދު އަސީލްއެވެ.
ޕީޖީ އޮފީހުން ބުނީ މި މައްސަލާގައި ކްރިމިނަލް ކޯޓަށް ހުށަހެޅި 12 ދައުވާ ވެސް ސާބިތުވާ ކަމަށް މިއަދު ކްރިމިނަލް ކޯޓުން ހުކުމްކޮށްފައިވާ ކަމަށެވެ.