ނިމާލް އޮތީ ވެންޓިލޭޓަރުގައި، އަވަސް ޝިފާއަކަށް އެދި ދުއާ ކޮށް ދީ!
ދަޕްރެސް
4 ޖެނުއަރީ 2026 | އާދިއްތަ | 9:34
ސްޓްރޯކެއް ޖެހިގެން އައިޖީއެމްއެޗްގައި މިހާރު ފަރުވާ ދެމުން އަންނަ ފިލްމް އިންޑަސްޓްރީގެ އެންމެ މަގުބޫލު އެއް މޫނު ކަމުގައިވާ އަހުމަދު ނިމާލް އޮތީ ވެންޓިލޭޓަރުގައި ކަމަށާއި އޭނާއަށް ހެޔޮ ދުއާ ކޮށް ދިނުމަށް އާއިލާ އާއި ގާތް ރަހުމަތްތެރިންގެ ފަރާތުން އެދިއްޖެއެވެ.
މި ދިޔަ މަހުގެ 31 ވަނަ ދުވަހުގެ ރޭގެ ވަގުތެއްގައި ނިމާލަށް ސްތްރޯކެއް ޖެހިގެން އޭޑީކޭ ހޮސްޕިޓަލުގައި ފަރުވާ ދިނުމަށް ފަހު ވަނީ ޖެހިގެން އައި ދުވަހު އައިޖީއެމްއެޗް ގެ އައިސީޔޫއަށް ބަދަލު ކޮށްފައެވެ. މިހާރު އުމުރުން 62 އަހަރުގެ ނިމާލަށް ސްޓްރޯކެއް ޖެހުނީ ސައިކަލު ދުއްވާފައި ދަނިކޮށް ކަމަށް މައުލޫމާތު ލިބެއެވެ.
ނިމާލަށް ސްޓްރޯކެއް ޖެހުނު ހަބަރާއެކު ފިލްމް އިންޑަސްޓްރީގެ އިތުރުން އާންމުންގެ ގިނަ ބަޔަކު އަންނަނީ އެ އާއިލާ ކުރަމުން އަންނަ ހިތާމައިގައި ބައިވެރިވަމުންނެވެ. ނަމަވެސް ދާދި ފަހުން ބައެއް ފަރާތްތަކުން ވަނީ ނިމާލް ނިޔާވެއްޖެ ކަމުގެ ދޮގު އަޑުތައް ވެސް ފަތުރާފައެވެ. މިކަން ދޮގުކޮށް ނިމާލްގެ އާއިލާ އާއި ރަހްމަތްތެރިން ވަނީ ނިމާލަށް ބޭނުންވަނީ ތިޔަ ހުރިހާ ފަރާތްތަކުގެ ހެޔޮ ދުއާ ކަމަށް ބުނެފައެވެ.