މި ރޯދަ މަހު 'ދަ ޕްރެސް' އިން ކިޔުންތެރިންނަށް މި ދޫކޮށްލަނީ، ދުނިޔޭގެ އެކި ކަންކޮޅުތަކުން ކޮންމެހެން ވެސް ދަތުރުކޮށްލަން ރަނގަޅު ގައުމުތަކާ، އެ ގައުމުތަކުގައިވާ ހާއްސަ ތަންތަނެވެ. ބަލާލާ ހިތްވާ ފަދަ ތާރީހީ ބިނާތަކާ، ވާދީތަކާ، އަޖައިބުން ފުރިގެންވާ އެތައް ޝައުގުވެރި ވާހަކަތަކެވެ.

އެގޮތުން މިއަދު ކިޔުންތެރިންނަށް ގެނެސްދޭން މިއުޅެނީ، ފަރުބަދަތަކުގެ މައްޗަށް އެކުލެވޭ ގައުމެއް ކަމަށްވާ ނޭޕާލަށެވެ. ދެކުނު އޭޝިއާގެ ގައުމެއް ކަމަށްވާ ނޭޕާލްއަކީ ޗައިނާގެ ދެކުނު އިރުމަތީ އަދި ހުޅަނގުގައި އިންޑިއާއާ އޮންނަ ބޯޑަރު ހިއްސާ ކުރާ ގައުމެކެވެ. މިއީ ދުނިޔޭގެ އެންމެ އުސް 10 ފަރުބަދައިގެ ތެރެއިން 8 ފަރުބަދަ ހިމެނޭ ގައުމެވެ.

ތަފާތު ނަސްލުތަކުގެ މައްޗަށް އެކުލެވޭ މި ގައުމުގައި ވެރިކަން ކުރަނީ ކަތަމަންޑޫގައެވެ. 29 މިލިއަންގެ އާބާދީއެއް އޮންނަ ނޭޕާލުގައި ފައިސާގެ ގޮތުގައި ބޭނުން ކުރަނީ ނޭޕާލީސް ރުޕީސްއެވެ. އަދި އަމިއްލަ ބަހެއް އޮންނަ މި ގައުމުގައި ވާހަކަ ދައްކަނީ 'ނޭޕާލީ' ބަހުރުވައިންނެވެ. އެ ގައުމުގެ 80 ޕަސެންޓު މީހުންނަކީ ހިންދޫ ދީނުގެ މީހުންނަށްވާއިރު 9 ވަރަކަށް ޕަސެންޓު މީހުންނަކީ ބުދިސަމްއެވެ. އަދި 5 ޕަސެންޓު މުސްލިމުން އެ ގައުމުގައި އުޅެއެވެ.

މައުޟޫޢުތަށް