ނޯތު ހާބަރު އަލުން ބޭނުންކުރަން ފަށައިފި
ދަޕްރެސް
19 ފެބްރުއަރީ 2026 | ބުރާސްފަތި | 1:42
މާލޭގެ ބޮޑުތަކުރުފާނުމަގު ފުޅާކޮށް ތަރައްގީކުރުމުގެ މަޝްރޫއުގެ މަސައްކަތަށް ބަންދުކުރި މާލޭ ނޯތު ހާބަރު ސަރަހައްދު ހުޅުވާލައިފިއެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނީ ރޭ 23:00 އިން ފެށިގެން، މުދަލާއި ޕަސެންޖަރުން އުފުލާ ކަނޑު އުޅަނދުފަހަރަށާއި މަސް އޮޑިފަހަރަށް އެ ސަރަހައްދު ހުޅުވާލާފައިވާ ކަމަށެވެ.
ނަމަވެސް، އެ ސަރަހައްދުގައި ބަނދަރުކުރެވޭނީ ނޯތު ހާބަރުގައި އަމަލުކުރާ އުސޫލުތަކާއި ގަވާއިދުތަކަށް ފެތޭ އުޅަނދުފަހަރަށް އެކަނި ކަމަށް އެމްޕީއެލްއިން ވަނީ މައުލޫމާތު ދީފައެވެ. އެ ސަރަހައްދު މަގު ހެދުމުގެ މަސައްކަތް ފެށުމާއެކު، އެ ސަރަހައްދު ބޭނުންކުރާ އުޅަނދުތައް ބަދަލުކޮށްފައިވަނީ އެމްއެމްއޭ ކުރިމަތީގައި އަލަށް ތަރައްގީކުރި ސަރަހައްދަށާއި، ޓީ-ޖެޓީ ސަރަހައްދަށެވެ.