އިޖްތިމާއި، ދީނީ އަދި އިގްތިސޯދީ ގޮތުން ރާއްޖެ ދަތުރު ކުރަމުން ދަނީ ރަނގަޅު އަމާޒަކަށް ކަމަށާއި މި ހާލަތު ދެމެހެއްޓުމަށް ސަރުކާރުގެ ތަސައްވުރަށް ތާއީދުކުރާ ކެންޑިޑޭޓުން ހޮވުމަކީ މުހިއްމު ކަމެއް ކަމަށް އިސްލާމިކް މިނިސްޓަރު ޑރ. މުހައްމަދު ޝާހީމް އަލީ ސައީދު ވިދާޅުވެއްޖެއެވެ.

ޝަހީމް މިހެން ވިދާޅުވީ، މާލޭގައި ހުޅުވި ތިނަދޫ ސިޓީގެ ޕީއެންސީ ކެމްޕެއިން ޖަގަހަ ހުޅުވުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ. ޝަހީމް ވިދާޅުވީ، ސިޔާސީ ހަލަބޮލިކަމުގެ ތެރެއިން ސަލާމަތުގެ އައްސޭރިއަށް ރާއްޖެ ގެނެސްދީފައިވާ އިރު، މިހާރު މި އޮތް ހެޔޮ ދުވަސްތައް އެ ގޮތުގައި ދަމަހައްޓަން ޖެހޭ ކަމަށެވެ.

އެގޮތުން ކުރެވޭ މަސައްކަތްތަކުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ޒައާމަތުގައި އެމަނިކުފާނުގެ ފުރިހަމަ ބެއްލެވުމުގެ ދަށުން ރާއްޖެ ދަތުރުކުރަމުން މިދަނީ ވަރަށް ވެސް ހެޔޮ އަމާޒަކަށް ކަމަށް ޝަހީމް ވިދާޅުވިއެވެ. އިޖްތިމާއި، ދީނީ އަދި އިގްތިސޯދީ ގޮތުން ވެސް ރާއްޖެ ދަތުރު ކުރަމުން މި ދަނީ ރަނގަޅު އަމާޒަކަށް ކަން ޝަހީމް ފާހަގަކުރެއްވިއެވެ.

މައުޟޫޢުތަށް