ޕާކިސްތާނުގެ އަސްކަރީ ޖެޓެއް އަފްގާނިސްތާނަށް ވެއްޓިއްޖެ، ޕައިލެޓް އަތުލައިފި
ދަޕްރެސް
28 ފެބްރުއަރީ 2026 | ހޮނިހިރު | 3:43
ޕާކިސްތާނުގެ ފައިޓާ ޖެޓެއް އަފްގާނިސްތާނުގެ ޖަލާލްއާބާދަށް ވެއްޓުމާ އެކު އެ ބޯޓުގެ ޕައިލެޓް އަސީރެއްގެ ގޮތުގައި ހިފަހައްޓައިފިއެވެ.
އަފްގާނިސްތާނުގެ އަސްކަރިއްޔާއިން ބުނީ، ޕާކިސްތާނުގެ ޖެޓް ޖަލާލްއާބާދާ ކައިރިން އުދުހެނިކޮށް އެ އުޅަނދު ވައްޓާލީ، ޖަލާލްއާބާދުން ދިން ހަމަލާތަކެއްގައި ކަމަށާއި، ބޯޓު ވެއްޓުމާއެކު ޕައިލެޓް އަތުލައިގަތީ ދިރިހުއްޓާ ކަމަށެވެ.
އަފްގާނިސްތާނުގެ އޮފިޝަލުންނާ ހަވާލާދީ އޭއެފްޕީގެ ރިޕޯޓަރުން އެހެން ބުނެފައި ވީ ނަމަވެސް، ޕާކިސްތާނުގެ ފޮރިން މިނިސްޓްރީން ވަނީ އެވާހަކަތައް ދޮގު ކޮށްފައެވެ.