އެމެރިކާ އާއި އިޒްރޭލުން އީރާނަށް ދޭ ހަމަލާތަކުގެ ރައްދުގައި އީރާނުން ދޭން ފެށި ހަމަލާތަކުގައި އަަދި ބޭނުން ކުރީ މިސައިލް ސްޓޮކްގެ ފަހަތުން އެތިކޮޅެއް ކަމަށް އެގައުމުގެ އޮފިޝަލުން ވިދާޅުވެއްޖެެއެވެ.

އީރާނުގެ ހަބަރުތައް ބުނާގޮތުން، އިޒްރޭލުގެ ހަމަލާގެ ރައްދުގައި އީރާނުން ވަނީ، ގަލްފުގައި ގާއިމުވެ ތިބޭ އެމެރިކާގެ މަގާމުތަކަށް ވަރުގަދަ ހަމަލާތަކެއް ދީފައެވެ. އެ ހަމަލާތަކުގެ ތެރޭގައި ގަަތަރުގައި އެމެރިކާއިން ގާއިމު ކޮށްފައި ހުރި އެންމެ ޒަމާނީ ރާޑަރު ސިސްޓަމައި ބަހްރައިންގައި ގާއިމު ކޮށްފައި ހުރި ރާޑަރު ސިސްޓަމް ގޮއްވާލުމުގެ އިތުރުން، ކްވައިތު، ސައުދީ، އީރާގު އަދި ޔޫއޭއީ ފަދަ ގައުމުތަކުގައި ހުރި އެމެރިކާގެ ބޭސްތަކަށް ވަނީ ހަމަލާ ދީފައެވެ.

ބެލިސްޓިކް މިސައިލާއި ޑްރޯން ބޭނުން ކޮށްގެން އީރާނުން ދިން ހަމަލާތަކުގައި ބަހްރައިންގެ ޖާފިރް ސަރަހައްދުގައި އޮންނަ އެމެރިކާގެ ބޭސް އަށް ބޮޑެތި ގެއްލުންތައް ލިބިފައިވާ ކަމަށް ހަބަރުތައް ބުނެއެވެ. ބަހްރައިންގެ ރަސްމީ އިދާރާތަކުންވެސް މި ކަން ކަށަވަރު ކޮށްދީ ބުނެފައި ވަނީ، އެމެރިކާގެ 5 ވަނަ ފްލީޓުގެ މެރިން ސިފައިން ގާއިމުވެ ތިބޭ މަރުކަޒު ފުނޑުފުނޑު ވެފައި ވާ ކަމަށެވެ.

މައުޟޫޢުތަށް