ރިޔާސީ އިންތިހާބާއި މަޖިލިސް އިންތިހާބު އެކީގައި ބާއްވާ ވާހަކަތައް ދެކެވެމުންދާ އިރު، އެ ދެ އިންތިހާބު އެއްކޮށްލަނީ ނޫން ކަމަށާއި، ދެ އިންތިހާބު ބާއްވަނީ އެއްދުވަހަކު ވަކި ވަކީން ކަމަށް ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހްމަދު ނާޒިމް ވިދާޅުވެއްޖެއެވެ.

ނާޒިމް މިހެން ވިދާޅުވެފައި ވަނީ މައްޗަންގޯޅި ދެކުނު ދާއިރާގެ ކެމްޕެއިން ޖަގަހަ މިރޭ ރަސްމީކޮށް ހުޅުވުމަށް ބޭއްވި ހަފްލާގައި ވާހަކަ ދައްކަވަމުންނެވެ.

ނާޒިމް ވިދާޅުވީ އިދިކޮޅުން ދައްކަމުންދާ ރިޔާސީ އިންތިހާބާއި މަޖިލިސް އިންތިހާބު އެއްކޮށްލާ ވާހަކަ އަކީ މުޅިން އޮޅުވާލުމަށް ދައްކާ ދޮގު ވާހަކަތަކެއް ކަމަށެވެ. މި ދެ އިންތިހާބު އެއްކޮށްލަން ނޫޅޭ ކަމަށާއި، ދެ އިންތިހާބު ބާއްވާނީ ވަކި ވަކިން އެއް ދުވަހެއްގައި ކަމަށް ނާޒިމް ވިދާޅުވިއެވެ. އަދި މިކަމާ ގުޅިގެން ނަގާ ފެންނަ ނުފެންނަ ވޯޓާ ބެހޭގޮތުން އެމްޑީޕީ އިން ވާހަކަ ދައްކާގޮތުން ދެ އިންތިހާބު އެއްދުވަހެއްގައި ބޭއްވުމަކީ ދުނިޔޭގައި ވެސް އަލަށް ކުރާ ކަމެއް ގޮތުގައި ހީވިއަސް މިއީ ހަގީގަތެއް ނޫން ކަމަށް ނާޒިމް ވިދާޅުވިއެވެ.

މައުޟޫޢުތަށް