މިއީ މުޅި އަހަރުގެ ތެރޭގައި ވެސް ރާއްޖެއަށް އެންމެ ހޫނުގަދަވާ ދުވަސްވަރު ކަމަށް، މޫސުމާ ބެހޭ ގައުމީ އިދާރާއިން ބުނެފިއެވެ.

މެޓް އޮފީހުން ބުނި ގޮތުގައި މާޗު އަދި އޭޕްރީލް މަހަކީ އަހަރުގެ ތެރޭގައި ރާއްޖޭގެ ސަރަޙައްދަށް ހޫނުމިން އެންމެ މައްޗަށްދާ ދުވަސްވަރެވެ. އެގޮތުން، މި ދުވަސްވަރު ވިލާ މަދުވެފައި، ވައި މަޑުވެ އަދި ވައިގެ ތެތްކަމުގެ ނިސްބަތް މަތީގައި ހިފަހައްޓާކަމަށް މެޓް އޮފީހުން ބުނެއެވެ.

އަދި ހަމަ އެހެންމެ ދުވާލުގެ ހޫނުމިން މަތިވެގެންދާވަރާއި ރޭގަނޑުގެ ފިނިކަން ދަށްވެގެންދާވަރާ އަޅާބަލާއިރު ފަރަޤު ކުޑަވެގެންދާކަމަށާއި މީގެސަބަބުން، އާންމު ވައިގެ ހޫނުމިނަށްވުރެ އިހުސާސްކުރެވޭ ހޫނުމިން މަތިވެގެންދާކަމަށް މެޓް އޮފީހުން ވަނީ މައުލޫމާތު ދީފައެވެ. މީގެ އިތުރުން ވެސް އޭޕްރީލް މަހަށް ލަފާކުރެވޭގޮތުންވެސް އާންމުގޮތެއްގައި ހުންނަވަރަށްވުރެ ފިނިހޫނުމިން މަތިވުމުގެ ފުރުސަތު ބޮޑުކަމަށް ދައްކާކަމަށް މެޓުން ވަނީ ބުނެފައެވެ.

މައުޟޫޢުތަށް