ބްލޫބެރީ އަކީ އޭގައި އެކުލެވޭ ފައިދާ ހުރި މާއްދާތަކުގެ ސަބަބުންނާއި، އޭގެ ތަފާތު މީރު ރަހައިގެ ސަބަބުން ގިނަ ބައެއްގެ މެދުގައި މަގުބޫލު މޭވާއެކެވެ. ބްލޫބެރީ ޝޭކަކީ ރޯދަ ވީއްލާ ވަގުތު ނުވަތަ ހާރުކާ ވަގުތުވެސް ބޯލަން ވަރަށް ފުރިހަމަ، ހަށިގަނޑަށް ބޭނުންވާ ހަކަތަ ގެނެސްދޭ ބުއިމެކެވެ. ފަސޭހައިން ތައްޔާރުކޮށްލެވޭ މި ބުއިމަކީ ކުޑަކުދިންނަށްވެސް ވަރަށް ކަމުދާނެ ބުއިމެކެވެ.

ބްލެންޑަރެއްގެ ތެރެއަށް ބްލޫބެރީ، ފިނިކިރު، އައިސްކްރީމް، މާމުއި، ވެނީލާ އެސެންސް އަދި ގަނޑުފެންކޮޅު އަޅާށެވެ. ހުރިހާ އެއްޗެއް ރަނގަޅަށް އެއްވެ، ބްލޫބެރީތައް ހިމުންވެ، އޮމާންވަންދެން ބްލެންޑަރު ޖައްސައިގެން ގަށާލާށެވެ. ޝޭކް މާބޮޑަށް އޮލަހެން ހީވާނަމަ ކުޑަ ކިރުފޮދެއް އިތުރުކޮށްލެވިދާނެއެވެ.

ރަނގަޅަށް ގަށާލުމުން ބިއްލޫރި ތަށްޓަކަށް އޮއްސާލާށެވެ. ތަށީގެ މަތީގައި ކުޑަ ބްލޫބެރީ ކޮޅަކުން ނުވަތަ ވިޕްޑް ކްރީމް ކޮޅަކުން ޒީނަތްތެރި ކޮށްލެވިދާނެއެވެ. މިހާރު މިވަނީ ތާޒާކަން ގެނެސްދޭނެ، ރަހަ މީރު ބްލޫބެރީ ޝޭކެއް ތައްޔާރުވެފައެވެ.

މައުޟޫޢުތަށް