ޕީއެސްއެމްގެ މެނޭޖިން ޑިރެކްޓަރު އަހުމަދު ޝަކީބު (ޝަކިއްބެ) ބައްދަލުކުރުމަށް އިދިކޮޅު އެމްޑީޕީގެ އިސްވެރިން އެ އޮފީސް ހިންގާ އިމާރާތަށް އެއްވެ އިހުތިޖާޖު ކޮށްފިއެވެ.

އެމްޑީޕީގެ ބައެއް މެންބަރުން ޕީއެސްއެމްއަށް އެއްވީ ލޯކަލް ކައުންސިލް އިންތިހާބާއި އަންހެނުން ތަރައްގީއަށް މަސައްކަތްކުރާ ކޮމިޓީގެ އިންތިހާބާއެކު ނެގުމަށް ހަމަޖެހިފައިވާ ފެންނަ ނުފެންނަ ވޯޓާ ގުޅިގެން ހޭލުންތެރިކުރަން ކަމަށް ބުނެ ޕީއެސްއެމްއިން ކުރިއަށްގެންދާ ޕްރޮގްރާމްތަކުގައި ހަމަ ހަމަ ފުރުސަތު ނުދޭ ކަމަށް ބުނެއެވެ.

އަދި އެއީ އެކަން ކޮށްގެންވާނެ ގޮތް ނޫންކަން ބުނެ އެމްޑީޕީން ވަނީ ރައްޔިތުންނަށް ކަމުގެ ދެކޮޅު ސާފުކޮށްދިނުމަށް ގޮވާލާފައެވެ. އެކަމާ ގުޅިގެން ޕީއެސްއެމްގެ އެމްޑީއާ ބައްދަލު ކުރަން އެދި އިއްޔެ އެމްޑީޕީން ސިޓީއެއް ފޮނުވާފައިވާއިރު އެ ސިޓީގެ ޖަވާބު މިހާތަނަށް ލިބިފައި ނުވާ ކަމަށް އެ ޕާޓީން ބުނެއެވެ.

މައުޟޫޢުތަށް