އައްޑުއަތޮޅު ހިތަދޫ ހަތް ފަހަރު ފަޅުވެފައި އަލުން އާބާދުވި ވާހަކައަކީ އައްޑޫގެ އެންމެންގެ މެދުގައިވެސް ދެކެވޭ ވާހަކައަކަށްވާއިރު އެންމެ ފަހުން ހިތަދޫ ފަޅުވި ހާދިސާގެ ވާހަކަ ފިޔަވައި، އޭގެ ކުރިން ފަޅުވި ފަހަރުތަކުގެ ވާހަކައެއް މާ ބޮޑަށް ދެކެވިފައެއް ނުވެއެވެ. އެދުވަސްވަރު ހިތަދޫ ފަޅުވުމާއި ބެހޭ ގޮތުން ދޫދޫމަތިން ދެކެވެމުން އަަންނަ ވާހަކަތައް އަސްލަކަށް ބަލައިގެން ގިނަ ވާހަކަތަކެއް އައިސްފައިވާއިރު އެއީ މީގެ 405 ވަރަކަށް އަހަރު ކުރީގެ ވާހަކައެކެވެ. ހިތަދޫ އެންމެ ފަހުން ފަޅުވީ ބޮޑު ރަސްގެފާނުގެ ދުވަސްވަރުގައި ކަމަށް ތާރީހު ދިރާސާކުރާ ފަރާތްތަކުން ބުނެފައިވާއިރު އެއީ ވަރަށް 'އަޖައިބުކުރުވަނިވި' ހާދިސާއެކެެވެ.

މި ފްލޯކް ވާހަކަ ފެށިގެން އަންނަނީ ހިތަދޫ ކައރީގައި އޮންނަ ފަޅު ރަށެއްކަމުގައިވާ ކައްބޯ ހެރައިންނެވެ. އެއީ ބިންގަނޑު ތިރި ވިނަ ހެދުން މަދު ރަށެކެވެ. ކައްބޯ ހެރައިގައި ފެށުނު 'ދިޔޯ' ގެ ކުޅިވަރުތަކާއެކު ހިތަދޫ ޖައްވު ގަދަ ރީނދޫ ކުލައަށް ބަދަލުވެ ރަށުތެރެއިން ފާޑުފާޑުގެ އަޑު އިވަން ފަށައިފިއެވެ. މުޅި ރަށުތެރެއަށް ވެރިވާން ފެށި ނާމާންކަމާ އެކު އޮއްސޭ އިރާއެކު މީހުން ގޭގެއަށް ވަދެ ރައްކާތެރިކަން ހޯދައެވެ. މަސް ވެރިކަމާ ދަނޑުވެރިކަން ހުއްޓި ރަށުގެ ރޯދި ބަރަކާތްކެޑި ބިރުވެރިކަމާއި ނާމާންކަން ވެރިވެއްޖެއެވެ.

މި ބިރުވެރިކަމުގެ ތެރެއިން ދެން ފެންނަން ފެށީ އަދި މުޅިން އާދެޔާ ހިލާފު ކަމެކެވެ. ބިރުން އުޅުނު މީހުން ކައްބޯ ހެރައިން ފެންނަ އަލިތަކާ، އިވޭ އާދަޔާހިލާފު އަޑުތަކުގެ އަވާގައި ޖެހިއްޖެއެވެ. އަމިއްލަ ބާރު ގެއްލި އެ ރަށުގައި ހިނގާކަމެއް ބެލުމުގެ ޝައުގުވެރިކަން އުފެދިއްޖެއެވެ. އެ ރަށުގައި ކުޅެމުން ގެންދިޔަ ވަސްވާހުގެ މިއުޒިކަށް ހެއްލިއްޖެއެވެ.

މައުޟޫޢުތަށް