އޭޕްރިލް މަހު ގިރާވަރުފަޅު ބިން ހިއްކާ ނިންމާ، ޖޫންމަހު ގޯތިތަށް ދޭން ފަށާނެ: ރައީސް
ދަޕްރެސް
21 މާރިޗު 2026 | ހޮނިހިރު | 2:05
އޭޕްރިލް މަހު ގިރާވަރުފަޅުގެ ބިން ހިއްކާ އެއްކޮށް ނިމޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ގިރާވަރުފަޅު ހިއްކުމުގެ މަސައްކަތް އަލުން ފަށާފައިވަނީ މިދިޔަ ފެބްރުއަރީ މަހުއެވެ. އެ މަސައްކަތް ކުރިއަށްދާ ގޮތުގެ އެންމެ ފަހުގެ ތަފްސީލުތައް ހާމަ ކުރައްވަމުން ރައީސް އެކްސްގައި ހިއްސާ ކުރެއްވި ޕޯސްޓެއްގައި ވިދާޅުވީ، ކޮންމެ ދުވަހަކުވެސް ބިން ހިއްކުމުގެ މަސައްކަތް ކުރިއަށްދާ ކަަމަށެވެ.
އަދި ކުރިއަށް އޮތް އޭޕްރީލް މަހު އެ މަސައްކަތް އެއްކޮށް ނިމި، ސަވޭ ކޮށް ނިންމާ ޖޫން މަހު ގޯތިތައް ހަވާލުކުރުމުގެ މަސައްކަތް ފެށޭނެ ކަމަށް ވެސް އެމަނިކުފާނު ވަނީ ވިދާޅުވެފައެވެ. "އިރާދަކުރެއްވިއްޔާ އޭޕްރިލް މަހު އެއްކޮށް ނިމި، ސަވޭ ކޮށް ނިންމާ ޖޫން މަހު ގޯތިތައް ހަވާލުކުރުމުގެ މަސައްކަތް ފެށޭނެ،". ރައީސް ވިދާޅުވިއެވެ.