400 އަކަފޫޓަށްވުރެ ކުޑަ ބިންކޮޅު އާއިލާ މެންބަރަކަށް ދެވޭގޮތަށް އުސޫލު ބަދަލުކުރަނީ
ދަޕްރެސް
23 މާރިޗު 2026 | ހޯމަ | 12:30
ސަރުކާރުން ހިންގާ ބޯހިޔާވަހިކަމުގެ މަޝްރޫއުތަކަށް ކުރިމަތިލާއިރު، އެމީހެއްގެ ނަމުގައި އޮންނަ 400 ފޫޓަށްވުރެ ކުޑަ ބިންކޮޅު އާއިލާ މެންބަރަކަށް ބަދަލުކުރެވޭނެ އިންތިޒާމު ހަމަޖައްސަވަމުން ގެންދަވާކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.
މިއަދު ބޭއްވެވި ނޫސްވެރިންގެ ބައްދަލުވުމެއްގައި ރައީސް ވިދާޅުވީ، މިހާރު އޮންނަ އުސޫލުގެ ދަށުން ބޯހިޔާވަހިކަމުގެ މަޝްރޫއަކުން ގޯއްޗެއް ނުވަތަ ފްލެޓެއް ލިބޭ މީހެއްގެ ނަމުގައި 400 އަކަފޫޓަށްވުރެ ކުޑަ ބިންކޮޅެއް އޮތް ނަމަ، އެ ބިންކޮޅު ދައުލަތަށް ދޫކޮށްލަން ޖެހޭ ކަމަށެވެ.
އެހެންނަމަވެސް އުސޫލަށް ގެންނަ ބަދަލާއެކު އެ ބިންކޮޅު އެމީހެއްގެ އަނބިމީހާ ނުވަތަ ފިރިމީހާ، ދަރިން ނުވަތަ އެއްބަނޑުއެއްބަފާ މީހެއްގެ ނަން މައްޗަށް ބަދަލުކުރެވޭނެ ކަމަށް ރައީސް ވިދާޅުވިއެވެ.