ލިވަޕޫލުގެ ފޯވަޑް ސަލާހް ކްލަބާ ވަކިވާކަން އިއުލާނުކޮށްފި
ދަޕްރެސް
25 މާރިޗު 2026 | ބުދަ | 12:42
އިނގިރޭސި ޗެމްޕިއަން ލިވަޕޫލަށް ކުޅޭ މިސްރުގެ ފޯވަޑް މި ސީޒަންއަށް ފަހު ކްލަބާ ވަކިވާނެކަން އިއުލާނުކޮށްފިއެވެ.
އިންސްޓަގްރާމްގައި ކުރި ވީޑިއޯ ޕޯސްޓެއްގައި ސަލާހް ބުނީ 2017 ވަނަ އަހަރު އޭނާ ގުޅުނު ކްލަބާ ވަގިވާންވީ ވަގުތު ޖެހިއްޖެ ކަމަށާ މިއީ ވޭތުވެދިޔަ 8 ސީޒަންގައި އޭނާ ކުޅުނު ކްލަބަށް ކިޔާ އަލްވަދާއުގެ ފެށުން ކަމަށެވެ.
އިޓަލީގެ ރޯމާއިން ލިވަޕޫލާ ގުޅުނު ފޯވަޑް ބުނީ ލިވަޕޫލާ ގުޅުނު އިރު އެކްލަބާ އެ ސިޓީ އޭނާއާ އޭނާގެ އާއިލާއަށް މިހާ ތަނަކަށް ވާނެ ކަމަށް ދުވަހަކު ވެސް އުއްމީދު ނުކުރަން ކަމަށެވެ. އަދި ލިވަޕޫލާއާއެކު ހޯދާފައިވާ ހުރިހާ ކާމިޔާބީތައް ހަނދާން ހުންނާނެ ކަމަށާ ކްލަބާ ފޭނުންނާއެކު ހުރަސްކުރި އަނޑިގުނޑަންތައް ވެސް ހަނދާން ހުންނާނެ ކަމަށް ސަލާހް ބުންޏެވެ.