ހުޅަނގު އޭޝިއާ ނުވަތަ މެދުއިރުމަތީގެ މަސްރަހަށް ބޮޑެތި ބަދަލުތަކެއް އަންނަމުންދާ ކަމަށާއި، މިހާރު ހިނގަމުންދާ ހަމަނުޖެހުންތައް ނިމުމަކަށް އަތުވެދާނެ ކަމުގެ އިޝާރާތްތަކެއް ފެންނަމުންދާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިކަން ހާމަކުރައްވާފައިވަނީ، ހުޅަނގު އޭޝިއާގެ ގައުމުތައްކަމަށްވާ، އީރާން، އިސްރާއީލް، ސައުދި އަދި ޔޫއޭއީ އިން އީރާން އަދި އިސްރާއީލުގެ ހަނގުރާމައިގަ އަދާ ކުރަމުންދާ ދައުރަށް ރިއާޔަތް ކޮށް އެމަނިކުފާނުގެ އެކްސް (ކުރީގެ ޓްވިޓާ) އެކައުންޓުން ކުރެއްވި ޕޯސްޓެއްގައެވެ.

ނަޝީދު ވިދާޅުވި ގޮތުގައި ސަރަހައްދީ ޑައިނަމިކްސްއަށް އަންނަމުންދާ ބަދަލުތަކުގެ ސަބަބުން، އީރާނާއި ގަލްފް ކޮޕަރޭޝަން ކައުންސިލް (ޖީސީސީ) ގެ ގައުމުތަކާއި، ވަކިން ހާއްސަކޮށް ސައުދީ އަރަބިއްޔާއާ ދެމެދު އުފެދިފައިވާ ހިޔާލުތަފާތުވުންތައް ސުލްހަވެރިކަމާއެކު ހައްލުކުރުމަށް އައު މަގުތަކެއް ފަހިވެގެންދާނެއެވެ.

މައުޟޫޢުތަށް