ތެލުގެ އަގު ބޮޑު ނުކުރާނެ ކަމަށް ބުނެފައިވަނީ ކުރިން ގެނެސްފައި ހުރި ޝިޕްމެންޓުން: ޒަމީރު
ދަޕްރެސް
25 މާރިޗު 2026 | ބުދަ | 2:50
ތެލުގެ އަގު ބޮޑު ނުކުރާނެ ކަމަށް ކުރިން ބުނެފައިވަނީ ކުރިން ގެނެސްފައި ހުރި ޝިޕްމެންޓުންކަން ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
މިނިސްޓަރު މިފަދައިން ވިދާޅުވެފައިވަނީ މިއަދު ފިނޭންސް މިނިސްޓްރީން ރައީސް އޮފީހުގައި ބޭއްވި ޕްރެސް ކޮންފަރެންސް އެއްގައި ވާހަކަ ދައްކަވަމުންނެވެ. އެގޮތުން މިނިސްޓަރު ޒަމީރު ވިދާޅުވީ ކުރިން ލޯޑު ކޮށް ޑިސްޗާޖުކުރަމުން ދިޔަ ޝިޕްމަންޓުތަކުގެ އަގު ބަދަލުކުރުމުގެ ވިސްނުން ނެތް ކަމަށް ކުރިންވެސް ބަޔާންކޮށްފައިވާނެ ކަމަށާއި، ނަމަވެސް އޭރު އޮތީވެސް ދެ ފަހަރަކަށް އަގު ބޮޑުކޮށްފައި ކަމަށެވެ. ކުރިން ތެލުގެ އަގު ބޮޑު ނުކުރާނެ ކަމަށް ބުނެފައިވަނީ ކުރިން ގެނެސްފައި ހުރި ޝިޕްމެންޓުންކަން ޒަމީރު ވަނީ ފާހަގަކޮށްފައެވެ.
އިތުރަށް ޒަމީރު ވިދާޅުވީ މިހާރު ތެލުގެ އަގު ބަދަލުކޮށް ގެނެސްފައިވާނީ އެކި އިންޑަސްޓްރީތަކަށް ތަފާތުކޮށް ކަމަށާއި، ސަސްޓެއިންކޮށް ގެންދެވޭނެ ފަދަ ގޮތަކަށް ކަމަށްވެސް ޒަމީރު ވަނީ ވިދާޅުވެފައެވެ.