ފީޑިންގް ޓިއުބް ލިބުން ލަސްވެ ކުޑަކުއްޖަކު ނިޔާވި މައްސަލަ ހެލްތް މިނިސްޓްރީން ބަލަން ފަށައިފި
ދަޕްރެސް
26 މާރިޗު 2026 | ބުރާސްފަތި | 10:09
އެޑްމިޓް ކޮށްފައި އޮތް ކުއްޖަކު ދިރިހުރުމަށް ބޭނުންވާ ކާނާ ފޯރުކޮށްދޭ "ފީޑިންް ޓިއުބް" އެންސްޕާ މެދުވެރިކޮށް ލިބުން ލަސްވެގެން އެ ކުއްޖާ ނިޔާވި ކަމަށް ބުނާ މައްސަލައެއް ފެންމަތިވެމެ، އެ މައްސަލަ ހެލްތް މިނިސްޓްރީން ބަލަން ފަށައިފިއެވެ.
ސެރެބްރަލް ޕަލްސީ ބަލި ތަހައްމަލު ކުރަމުންދިޔަ 6 އަަހަރުގެ އިބްރާހިމް އަޒާން ސުހައިލްގެ މަންމަ އާމިނަތު ޔަޝްފާ ވަނީ، މި ހިއްދަތި ހާދިސާ ހިނގާދިޔަ ގޮތް ސޯޝަލްމީޑިއާގައި ހިއްސާ ކޮށްފައެވެ.
އެގޮތުން އަޒާން ތަހައްމަލު ކުރަމުންދިޔަ ބަލީގެ ސަބަބުން އާންމު ދިރިއުޅުމުގައި ކެއުން ބުއިމަށް ތަކްލީފު ތަކެއް ހުންނާތީ ކާންދީ ހަދަނީ ގޮހޮރަށް ކާނާ ފޮނުވައިދޭ ފީޑިންގް ޓިއުބެއްގެ ޒަރިއްޔާއިން ކަމަށް ބުނެއެވެ.